ԿԱՅԱՆԱԼ «ԲԱՐՍԱՅՈՒՄ» և ԼՔԵԼ ԱՅՆ…

Այն, որ անընդհատ լուրեր են պտտվում Լեո Մեսսիի «Ռ. Մադրիդ» տեղափոխվելու մասին` փաստ է: Սակայն այն, որ դա դեռ պաշտոնապես չի հաստատվել կամ որևէ պաշտոնական հայտարարություն չկա՝ նույնպես: Շշուկերը՝ իբր Մեսսին կլքի «Բարսելոնա»  ակումբը 2016-ին` վաղուցվանից են և շատերը կարծում են, որ առաջին ակումբը, որը կցանկանա «գնել» Մեսսիին՝ «Ռ. Մադրիդ» արքայական ակումբն է՝ տարեկան աշխատավարձ առաջարկելով 25 մլն եվրո:

Մեսսին առաջինը չէ, որ կատալոնական ակումբը կարող է փոխել արքայականով: Ամեն ինչ սկսվել է 1905 թվականից, երբ Լուչիանո Լիզ Ռագան լքեց «Բարսելոնան»:

1  1.      Լուիշ Ֆիգուն Բարսելոնա եկավ 1995 թվականին և կատալոնացիների լավագուն խաղացողներից էր: 5 տարվա ընթացքում ակումբը նրանից համաշխարհային մասշտաբի աստղ ստեղծեց: Սակայն արքայական ակումբի գայթակղությունն ուրիշ էր, ընդամենը 5 տարի հետո Ֆիգուն տեղափոխվեց Ռեալ 61 մլն դոլար աշխատավարձով: «Ռեալում» նրա առաջին խաղի ժամանակ երկրպագուները զանզան հիմար առարկաներ էին շպրտել՝ այդ թվում նաև խոզի գլուխ:

  2.  Միքայել Լաուդրուպը 1991 թվականից խաղացել է «Բարսելոնայում» մինչև 1994 թվականը: Այնպես ինչպես փայլում էր «Բարսայում», Լաուդրուպը չփայլեց «Ռեալում», ընդամենը 2 տարի անց լքեց նաև այս ակումբը:

  3. Լեգենդար Ռոնալդոն «Բարսայում» քիչ խաղաց՝ ընդամենը մեկ տարի 1996 թվականին, բայց այդ մեկ տարում մեծ հաջողությունների հասավ, դրանցից ամենամեծերը՝ «Ոսկե խաղակոշիկ» մրցանակն էր, որին արժանացավ 37 խաղում խփելով 34 գնդակ և նույն տարում ճանաչվեց երկրագնդի լավագույն ֆուտբոլիստ: «Ռեալ» տեղափոխվելուց հետո, գրեթե բոլորն են հիշում, նա արդեն այնքան չէր փայլում իր խաղով և մարզավիճակով և 2006-ին լքեց ակումբը:

 4.Բերնդ Շուստերը 80-ական թվականներին «Բարսայի» ամենամեծ աստղերից էր: 1980-ին արժանացավ արծաթե գնդակին իսկ 1981-ին բրոնզե գնդակին: «Բարսայի» հետ հաղթեց 1985 թվականի Իսպանիայի առաջնությունը: Բայց 3 տարի անց, անցավ արքայականների կողմը, չնայած այնտեղ էլ էր հանալի խաղ ցուցադրում:

5

5.Րիկարդո Զամորան, կարելի է ասել, ծնվել է «Բարսայում»: Նրա կարիեռայի մեծ մասը անցավ հենց այնտեղ, կայացավ այնտեղ: Նա այն դարպասապահներից էր, որի անունը միշտ կլինի «Բարսայի» լավագույնների ցուցակում, բայց 1929 թվականին նույնպես անցավ արքայական ակումբ, այնտեղ անցկացնելով 9 տարի:

Որքան էլ լավագույնները կայանում ու լքում են կատալոնական ակումբը, այնուամենայնիվ, «Բարսելոնան»  ժամանակակից գիգանտներից է, միևնույն ժամանակ անփոխարինելի իր երկրպագուների համար, անկախ նրանից ովքեր են խաղում կամ ովքեր են լքում ակումբը: Այն հիմա համեմատում են ԱՄՆ-ի հետ, ով բաժանում է իր դոլարը ողջ աշխարհին, ստիպում բոլորին խաղալ իր օրենքներով: Նույնկերպ «Բարսան» է հրամցնում իր ֆուտբոլը բոլորին, առաջարկում մի համակարգ, որտեղ նա անպարտելի է՝ լավագույնը: